විදුහල්පති පණිවිඩය

නොනැවති පෙරට යමු අපේ පැවැත්ම පාසලේ දීප්තියයි.

ආදර්ශ පාඨය පෙරටු කරගෙන එකසිය පස් වසක අතීතයකට උරුමකම් කියන ශ්‍රී රේවත විදු මවගේ දුවා දරුවන් ගුණ නුවණ වඩවන්නට එක් වන මා හට පාසල් ඉතිහාසයේ එදා මෙදා තුල 25 වන විදුහල්පති ධූරය භාර වීම ඉමහත් වගකීමකි. 21 වන සියවසේ ශ්‍රී ලංකාවේ අධ්‍යාපනයේ නව නැඹුරුව ආරම්භය දෙන්නට සූදානම් වන මොහොතකි මේ. තාක්ෂණික නැඹුරුවත් සමඟ වෙනස් වන සමාජ, ආර්ථික, දේශපාලන ක්‍රියාවලිය තුලින් වෙනස් කරන්නට සූදානම් වන සංස්කෘතිය හා පරිසරය අතර අතරමන් වන්නට නොදී දරුවන්ගේ තාරුණ්‍යය අභිමානවත් අනාගතයකට ගුණාත්මක විශිෂ්ඨයන් ලෙස ලක් මාතාවට දායාද කරන්නට නොමසුරු උත්සහයක් දරන්නෙමි.

 

තාක්ෂණ ලෝකයේ අභියෝගයන් ජයගත හැකි නිපුණතාවයන්ගෙන් හෙබි තම සංස්කෘතිය හා සාරධර්ම අගයන පරිසර හිතකාමි ඵලදායි දුවා දරුවන් කැලක් රේවත මව් තුරුලින් මුදා හැරීමට සමස්ථ පාසල් ප්‍රජාවේම නොමසුරු සහයෝගය නිරන්තරයෙන් අපේක්ෂා කරන අතර රටේ ජීවනාලිය වන දුවා දරුවන් යහමඟ යැවීම අප සැමගේ වගකීමයි.

විදුහල්පති,

අ/ශ්‍රී රේවත මහා විද්‍යාලය

මඩාටුගම